ന്യൂഡൽഹി: ഡൽഹിയിൽ അഞ്ചാം ക്ലാസ് വിദ്യാർഥിനി അബദ്ധത്തിൽ ആസിഡ് ഉള്ളിൽച്ചെന്ന് മരിച്ചു. അഞ്ജന എന്ന കുട്ടി സഹപാഠിയുടെ വാട്ടർബോട്ടിലിൽനിന്ന് വെള്ളമാണെന്നുകരുതി ആസിഡ് കുടിക്കുകയായിരുന്നു. ഡൽഹിയിലെ ഹർഷ്വിഹാറിലുള്ള സ്വകാര്യസ്കൂളിലായിരുന്നു സംഭവം. ആസിഡ് കുടിച്ചതിനെ തുടർന്ന് കുട്ടി ഛർദിക്കുകയും ഉടൻതന്നെ ആശുപത്രിയിൽ പ്രവേശിപ്പിക്കുകയും ചെയ്തു. എന്നാൽ രക്ഷിക്കാനായില്ല. ശുചിമുറി വൃത്തിയാക്കുന്ന ആസിഡാണ് കുട്ടി കഴിച്ചതെന്നാണ് കരുതുന്നത്. വാട്ടർബോട്ടിലാണെന്ന് കരുതി സഹപാഠി കൊണ്ടുവന്നതായിരുന്നു ഇത്. ശീതളപാനീയത്തിന്റെ കുപ്പിയിൽ സൂക്ഷിച്ചിരുന്ന ആസിഡാണ് സ്കൂളിൽ കൊണ്ടുവന്നത്. ഉച്ചഭക്ഷണ സമയത്ത് രണ്ടു കുട്ടികളും ഒന്നിച്ചിരുന്ന് ഭക്ഷണം കഴിക്കുമ്പോഴാണ് വെള്ളം കുടിച്ചത്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
അബദ്ധത്തിൽ വെള്ളമെന്ന് കരുതി ആസിഡ് കുടിച്ചു; അഞ്ചാം ക്ലാസുകാരിക്ക് ദാരുണാന്ത്യം
By
March 7, 2019 12:58 pm