കാസര്കോട്: യൂത്ത് കോണ്ഗ്രസ് പ്രവര്ത്തകര് കൊല്ലപ്പെട്ട പെരിയ കല്യോട്ട് സന്ദര്ശിക്കാനെത്തിയ സിപിഎം നേതാക്കള്ക്ക് നേരെ വന് പ്രതിഷേധം. കോണ്ഗ്രസ് പ്രവര്ത്തകര് എംപി പി കരുണാകരനുള്പ്പടെയുള്ളവരെ തടഞ്ഞതിനെത്തുടര്ന്ന് സ്ഥലത്ത് പൊലീസും പ്രവര്ത്തകരും തമ്മില് സംഘര്ഷമായി. എംപിയ്ക്ക് നേരെ കയ്യേറ്റശ്രമമുണ്ടായെങ്കിലും പൊലീസ് ഇടപെട്ട് തടഞ്ഞു.
രാവിലെ ഒമ്പത് മണിയോടെയാണ് സിപിഎം നേതാക്കള് സ്ഥലത്ത് എത്തിയത്. പിന്നാലെ പ്രതിഷേധവുമായി കോണ്ഗ്രസ് പ്രവര്ത്തകര് എത്തുകയായിരുന്നു. ഇരട്ടക്കൊലപാതകത്തില് പ്രതിഷേധിച്ച് കല്യോട്ടെ സിപിഎം അനുഭാവികളുടെ വീടുകളും കടകളും വ്യാപകമായി നശിപ്പിക്കപ്പെട്ടിരുന്നു. ആക്രമിക്കപ്പെട്ട സിപിഎം പ്രവര്ത്തകരുടെ വീടുകളും സ്ഥാപനങ്ങളും സന്ദര്ശിക്കാനെത്തിയതാണ് നേതാക്കള്.