പ്രായപൂര്ത്തിയാകാത്ത പെണ്കുട്ടിയെ പ്രലോഭിപ്പിച്ച് വനത്തിനുള്ളില് കൊണ്ടുപോയി ലൈംഗികമായി പീഡിപ്പിക്കാന് ശ്രമിച്ച സംഭവത്തില് തിരുവനന്തപുരം തൊളിക്കോട് പള്ളി മുന് ഇമാം ഷഫീഖ് അല് ഖാസിമിക്കെതിരേ പോക്സോ നിയമപ്രകാരം പോലീസ് കേസെടുത്തു.
സ്കൂളില് നിന്നും ഉച്ചസമയത്ത് പുറത്തുവന്ന കുട്ടിയെ സ്വന്തം വാഹനത്തില് കയറ്റി ആളില്ലാത്ത പ്രദേശത്ത് എത്തിച്ച് പീഡിപ്പിക്കാന് ശ്രമിച്ചുവെന്നാണ് പരാതി. പ്രദേശത്തുണ്ടായിരുന്ന തൊഴിലുറപ്പ് തൊഴിലാളികളാണ് ഇമാമിനൊപ്പം പെണ്കുട്ടിയെ കണ്ടത്. തുടര്ന്ന് ഇവര് ചോദ്യം ചെയ്തതോടെ ഇമാം പെണ്കുട്ടി തന്റെ ഭാര്യയാണെന്ന് പറഞ്ഞ് സ്ഥലത്തു നിന്നും മുങ്ങുകയായിരുന്നു. സംഭവം പുറത്തായതോടെ തൊളിക്കോട് പള്ളി കമ്മിറ്റി അന്വേഷണം നടത്തി ഇമാമിനെ സ്ഥാനത്തു നിന്നും നീക്കി പോലീസില് പരാതി നല്കുകയായിരുന്നു.