സിനിമയുടെ വ്യാജ പതിപ്പുകളുടെ നിര്‍മാണവും വിതരണവും തടയാന്‍ ആന്റി പൈറസി നിയമത്തില് ഭേദഗതി വരുത്തുമെന്ന് കേന്ദ്രമന്ത്രി പീയുഷ് ഗോയല്‍.
സിനിമ, ഓണ്‍ലൈന്‍ പ്ലാറ്റ്‌ഫോമുകളുടെ വരുമാനത്തെ പൈറസി ഗുരുതരമായി ബാധിച്ച സാഹചര്യത്തിലാണ് പുതിയ നീക്കം. പൈറസിയെ ചെറുക്കാനായി ആന്റി-കാം കോര്‍ഡര്‍ അവതരിപ്പിക്കും. സിനിമയുടെ സുഗമമായ ചിത്രീകരണത്തിനായി ഏക ജാലക സംവിധാനം ഒരുക്കും.
വിദേശ രാജ്യങ്ങളില്‍ മാത്രം കണ്ടുവന്നിരുന്ന ഈ സംവിധാനം ഇനി മുതല്‍ ഇന്ത്യയിലെ സിനിമാപ്രവര്‍ത്തകര്‍ക്കും ലഭ്യമാക്കുമെന്നും പീയുഷ് ഗോയല്‍ പറഞ്ഞു.
