കോട്ടയം: നാളെ നടക്കുന്ന ഹര്ത്താലില് പങ്കെടുക്കില്ല, കടകള് തുറക്കുമെന്ന് വ്യാപാരി വ്യവസായി ഏകോപന സമിതി അറിയിച്ചു. ശബരിമലയില് യുവതികള് ദര്ശനം നടത്തിയതില് പ്രതിഷേധിച്ചാണ് നാളെ സംസ്ഥാന വ്യാപകമായി ഹര്ത്താലിന് ശബരിമല കര്മസമിതി ആഹ്വാനം ചെയ്തത്.
രാവിലെ ആറു മണി മുതല് വൈകിട്ട് ആറു വരെയാണ് ഹര്ത്താല്. ശബരിമല കര്മസമിതിയുടെ സമരത്തിനു പിന്തുണ പ്രഖ്യാപിച്ച് ബിജെപി രണ്ടു ദിവസം സംസ്ഥാന വ്യാപകമായി പ്രതിഷേധം നടത്തും. അന്താരാഷ്ട്ര ഹിന്ദു പരിഷത്തും ഹര്ത്താലിന് ആഹ്വാനം ചെയ്തിട്ടുണ്ട്.
ദേവസ്വം ബോര്ഡ് ക്ഷേത്രങ്ങളിലെ ഭണ്ടാരത്തില് നിന്ന് പണം എടുക്കാന് ഇനി അനുവദിക്കില്ലെന്ന് ശശികല വാര്ത്താസമ്മേളനത്തില് പ്രഖ്യാപിച്ചു. ഹര്ത്താലിനെതിരെ കൈകോര്ക്കാന് 64 സംഘടനകള് ഒത്തൊരുമിച്ചു തീരുമാനിച്ചതിനുശേഷം ആദ്യമായിട്ടാണ് ഹര്ത്താല് പ്രഖ്യാപിക്കുന്നത്.