ക്രിസ്മസിനോടനുബന്ധിച്ച് ഷോപ്പിംങും കറക്കവുമൊക്കെയായി നടക്കുന്നവരുടെ ശ്രദ്ധയ്ക്ക്. അത്യാവശ്യത്തിന് പണം കൈയ്യില് കരുതിക്കോളു. വരാനിരിക്കുന്നത് തുടര്ച്ചയായ ബാങ്ക് അവധിദിനങ്ങളാണ്. ക്രിസ്മസിന് മുമ്പും ശേഷവുമുള്ള അഞ്ച് ദിവസങ്ങളിലാണ് രാജ്യത്ത് ബാങ്കുകള് അടഞ്ഞുകിടക്കുക.
ഡിസംബര് 21ന് ഓള് ഇന്ത്യാ ബാങ്ക് ഓഫീസേഴ്സ് കോണ്ഫെഡറേഷന് രാജ്യവ്യാപകമായി സമരം പ്രഖ്യാപിച്ചിരിക്കുകയാണ്. അന്ന് ബാങ്കുകള് അടഞ്ഞുകിടക്കും. എന്നാല് ഇത് പിന്വലിച്ചേക്കുമെന്നും സൂചനയുണ്ട്. നാലാം ശനിയായ 22നും ഞായറാഴ്ച 23നും ബാങ്കുകള് തുറക്കില്ല.
24ാം തീയതിയില് ബാങ്കുകള് തുറക്കും. 25ന് ക്രിസ്തുമസ് അവധി. 26ന് വീണ്ടും വലിയൊരു ബാങ്ക് സമരത്തിനാണ് രാജ്യം സാക്ഷ്യം വഹിക്കുക. യുണൈറ്റഡ് ഫോറം ഓഫ് ബാങ്ക് യൂണിയന്സ് ആണ് സമരത്തിന് നേതൃത്വം നല്കുന്നത്. രാജ്യം കണ്ട ഏറ്റവും വലിയ ബാങ്ക് സമരമാവും ഇത്. തുടര്ച്ചയായ ബാങ്ക് അവധി എടിഎമ്മുകളുടെ പ്രവര്ത്തനത്തെയും ബാധിക്കാന് സാധ്യതയുണ്ട്. അതിനാല്, ക്രിസ്മസ് അവധികള്ക്ക് മുന്നോടിയായി ആവശ്യത്തിന് പണം കൈയ്യില് കരുതാന് മറക്കേണ്ട.