കൊച്ചി: ശബരിമലയുടെ പാരമ്പര്യം എല്ലാ മതസ്ഥര്ക്കും അവകാശപ്പെട്ടതാണെന്ന് ഹൈക്കോടതി. ഇരുമുടിക്കെട്ടില്ലാതെയും ശബരിമലയില് പോകാമെന്നും അഹിന്ദുക്കളെ പ്രവേശിപ്പിക്കരുതെന്നാവശ്യപ്പെട്ട് ബി.ജെ.പി. ഇന്റലക്ച്വല് സെല് സംസ്ഥാന കണ്വീനര് ടി.ജി.മോഹന്ദാസ് സമര്പ്പിച്ച ഹര്ജി തള്ളി കോടതി ഉത്തരവിട്ടു.
പതിനെട്ടാം പടിയിലൂടെ കയറാന് മാത്രമേ ഇരുമുടിക്കെട്ട് ആവശ്യമുള്ളു. അല്ലാത്തവര്ക്ക് നേരെ എതിര്വശത്തുള്ള നടയിലൂടെ സന്നിധാനത്തേക്ക് കടക്കാവുന്നതാണ്. ശബരിമല ദര്ശനം സംബന്ധിച്ച് ഈ കീഴ് വഴക്കം നിലനിന്നു പോരുന്നതാണ്. ശബരിമലയില് ഏത് ഭക്തര് വന്നാലും സംരക്ഷണം നല്കണം. സ്ത്രീയായാലും പുരുഷനായാലും സംരക്ഷണം നല്കണമെന്നും കോടതി നിര്ദേശിച്ചു.