കോട്ടയം: കന്യാസ്ത്രീയെ പീഡിപ്പിച്ച കേസില് അറസ്റ്റിലായ ഫ്രാങ്കോ മുളയ്ക്കലിനെ നുണപരിശോധനയ്ക്ക് വിധേയനാക്കാന് കോടതിയില് അപേക്ഷ നല്കും. കേസില് ഫ്രാങ്കോ മുളയ്ക്കല് നിഷേധാത്മകമായ സമീപനം തുടരുന്നതിനാലാണിത്. ചോദ്യം ചെയ്യലിലുടനീളം കുറ്റം സമ്മതിക്കാന് ഫ്രാങ്കോ തയ്യാറായിരുന്നില്ല. പല ചോദ്യങ്ങള്ക്കും അല്ല എന്ന മറുപടിയാണ് ഫ്രാങ്കോ നല്കിയത്. നുണപരിശോധന കേസിന് ഗുണം ചെയ്യുമെന്ന് പൊലീസ് പറഞ്ഞു.
അതേസമയം, സാക്ഷികളെ സ്വാധീനിക്കാന് ശ്രമിച്ച കേസില് കൂടുതല് അറസ്റ്റുണ്ടാകും. ഫാദര് ജെയിംസ് എര്ത്തയില്, കന്യാസ്ത്രീയെ അപമാനിക്കുന്ന തരത്തില് ചിത്രങ്ങള് പുറത്തുവിട്ട മിഷണറീസ് ഓഫ് ജീസസ് പിആര്ഒ ഉള്പ്പെടെയുള്ളവര്ക്കെതിരെ നടപടിയുണ്ടാകും.