അങ്ങനെ കാത്തിരുന്ന ഓഡിയുടെ ഇലക്ട്രിക് എസ് യു വി കാര്‍ അടുത്ത വര്‍ഷം ഇന്ത്യയിലെത്തും. ഇ ട്രോണ്‍ ഇലക്ട്രിക് എസ് യു വി കാര്‍ ഈ മാസം അവസാനത്തോടെ യൂറോപ്യന്‍ വിപണിയില്‍ ഇറക്കാനാണ് കമ്പനി തീരുമാനിച്ചിരിക്കുന്നത്.
അടുത്തവര്‍ഷം ഡിസംബറോടെ ഇന്ത്യയിലെത്തുന്ന ഇലക്ട്രിക് കാറിന്റെ ഏകദേശവില 66.92 ലക്ഷം രൂപയാകും. ഇ ട്രോണിന്റെ യൂറോപ്പിലെ വില 79000 യൂറോ ആയിരിക്കും.
ഒരു പ്രാവശ്യം വൈദ്യുതി ചാര്‍ജ് ചെയ്താല്‍ 400 കിലോമീറ്റര്‍ സഞ്ചരിക്കാന്‍ കഴിയുമെന്നാണ് ഓഡി അവകാശപ്പെടുന്നത്. പൂജ്യത്തില്‍ നിന്ന് നൂറ് കിലോമീറ്റര്‍ വേഗത്തിലെത്താന്‍ ആറ് സെക്കന്റ് മതിയാകും. പരമാവധി വേഗത 200 കിലോമീറ്റര്‍ ആണ്.
