കൊല്ലം: പത്തനാപുരം മൗണ്ട് താബോര് കോണ്വെന്റിലെ കിണറ്റില് മരിച്ച നിലയില് കണ്ടെത്തിയ സിസ്റ്റര് സൂസമ്മയുടെത് മുങ്ങിമരണമാണെന്ന് പ്രാഥമിക പോസ്റ്റ്മോര്ട്ടം റിപ്പോര്ട്ട്. വെള്ളം ഉളളില് ചെന്നതാണ് മരണകാരണമെന്നും പോസ്റ്റ്മോര്ട്ടം റിപ്പോര്ട്ടില് വ്യക്തമാക്കുന്നു. അന്നനാളത്തില് നിന്ന് നാഫ്തലിന് ഗുളിക കണ്ടെത്തി. ഇടത് കൈയിലുണ്ടായിരുന്നത് ആഴത്തിലുള്ള മുറിവെന്നും റിപ്പോര്ട്ടില് പറയുന്നു.
അന്വേഷണ സംഘം ഇന്നും മഠത്തിലെ കന്യാസ്ത്രീകളുടെയും ജീവനക്കാരുടെയും മൊഴി രേഖപ്പെടുത്തി. ആത്മഹത്യയാണ് പ്രാഥമിക നിഗമനമെങ്കിലും മരണത്തിലെ അസ്വാഭാവികത സംബന്ധിച്ച് കൂടുതല് അന്വേഷിക്കാനാണ് പൊലീസ് തീരുമാനം. പോസ്റ്റ്മോര്ട്ടം റിപ്പോര്ട്ടും ലഭിച്ച മൊഴികളും ഒത്ത് നോക്കിയ ശേഷം അന്തിമ തീരുമാനത്തിലെത്തുമെന്ന് പൊലീസ് പറഞ്ഞു.