ചീഫ് ജസ്റ്റിസ് കെ.എം. ജോസഫ് സുപ്രീംകോടതി ജഡ്ജിയാകും. ഉത്തരാഖണ്ഡ് ഹൈക്കോടതി ചീഫ് ജസ്റ്റിസായ കെ.എം.ജോസഫിനെ സുപ്രീം കോടതി ജഡ്ജിയാക്കണമെന്ന കൊളീജിയം ശുപാര്ശ കേന്ദ്രസര്ക്കാര് അംഗീകരിച്ചു. നേരത്തേ, കൊളീജിയം ശുപാര്ശ കേന്ദ്രസര്ക്കാര് തിരിച്ചയച്ചിരുന്നു.
മദ്രാസ് ഹൈക്കോടതി ചീഫ് ജസ്റ്റിസ് ഇന്ദിര ബാനര്ജി, ഒഡീഷ ഹൈക്കോടതി ചീഫ് ജസ്റ്റിസ് വിനീത് സരണ് എന്നിവരെ സുപ്രീം കോടതി ജഡ്ജിമാരാക്കാനുള്ള ശുപാര്ശയ്ക്കും അംഗീകാരം നല്കിയിട്ടുണ്ട്.
ചീഫ് ജസ്റ്റിസ് ദീപക് മിശ്ര, ജഡ്ജിമാരായ രഞ്ജന് ഗൊഗോയ്, മദന് ബി. ലൊക്കൂര്, കുര്യന് ജോസഫ്, എ.കെ. സിക്രി എന്നിവരുമുള്പ്പെട്ട കൊളീജിയമാണ് ഇവരെ ശുപാര്ശ ചെയ്തിരുന്നത്. ജസ്റ്റിസ് ജോസഫിന്റെ പേര് പ്രത്യേകമായാണു ശുപാര്ശ ചെയ്തിരുന്നത്.