കൊച്ചി മെട്രോയുടെ പാലാരിവട്ടം മുതല് മഹാരാജാസ് വരെ അഞ്ചു കിലോമീറ്റര് ദൂരം വരുന്ന രണ്ടാംഘട്ട പാതയുടെ കമ്മീഷനിംഗ് തീയതി സംബന്ധിച്ചു സ്ഥിരീകരണമായി. അന്തിമഘട്ട പരിശോധനകള്ക്കായി 25ന് എത്തുന്ന മെട്രോ റെയില് സുരക്ഷാ കമ്മീഷണറുടെ (സിഎംആര്എസ്) റിപ്പോര്ട്ട് അനുകൂലമായാല് ഉദ്ഘാടനം ഒക്ടോബര് മൂന്നിനു നടക്കുമെന്നു കൊച്ചി മെട്രോ റെയില് ലിമിറ്റഡ് (കെഎംആര്എല്) അധികൃതര് അറിയിച്ചു.
എറണാകുളം ടൗണ്ഹാളില് രാവിലെ 11നു കേന്ദ്ര നഗരകാര്യ മന്ത്രി ഹര്ദീപ് സിംഗ് പുരിയുടെ സാന്നിധ്യത്തില് മുഖ്യമന്ത്രി പിണറായി വിജയന് ഉദ്ഘാടനം നിര്വഹിക്കും. പ്രധാനമന്ത്രി പങ്കെടുത്ത ആദ്യഘട്ടത്തിെല ചടങ്ങുപോലെ അത്ര കേങ്കേമമായിരിക്കില്ലെങ്കിലും മോടി കുറയ്ക്കാതെ ചെലവ് കുറച്ചുള്ള ഉദ്ഘാടനത്തിനാണു നീക്കം.