Film News

ജനങ്ങള്‍ നല്‍കിയ ബഹുമാനവും സ്‌നേഹവും ദിലീപ് മറക്കാന്‍ പാടില്ലായിരുന്നു: ജയപ്രദ

കൊച്ചിയില്‍ നടിയെ അക്രമിച്ച കേസില്‍ റിമാന്‍ഡില്‍ കഴിയുന്ന പ്രതി ദിലീപിനെതിരെ നടി ജയപ്രദ. ഇന്‍ഡസ്ട്രിയിലെ ഒരു പെണ്‍കുട്ടി ആക്രമിക്കപ്പെട്ടിരിക്കുന്നു. വളരെ ഖേദകരമായ അവസ്ഥായാണിതെന്നും അവളുടേതല്ലാത്ത കുറ്റങ്ങളുടെ പേരിലാണ് താരത്തിന് ഇത് അനുഭവിക്കേണ്ടി വന്നതെന്നും ജയപ്രദ പറഞ്ഞു.

എന്തൊക്കയാണെങ്കിലും അക്രമിക്കപ്പെട്ട നടി സ്ത്രീയാണെന്നും രണ്ടാമതാണ് അവളൊരു നടിയാകുന്നതെന്നും താരം പറഞ്ഞു. താനൊരിക്കലും പ്രതീക്ഷിച്ചില്ല ദിലീപിന് ഇത്രയുമൊക്കെ ചെയ്യാനാകുമെന്നും ജയപ്രദ കൂട്ടിച്ചേര്‍ത്തു.

‘അദ്ദേഹത്തിനു ജനങ്ങളോട് ഒരു ഉത്തരവാദിത്വമുണ്ടാകേണ്ടതായിരുന്നു. ഒരു നടന്‍ എന്ന നിലയ്ക്കു ജനങ്ങള്‍ നല്‍കിയ ബഹുമാനവും സ്‌നേഹവും മറക്കാന്‍ പാടില്ലായിരുന്നു. അവളെ ഒറ്റപ്പെടുത്താത്ത തരത്തില്‍ കൂടുതല്‍ സിനിമകളില്‍ അഭിനയിക്കാന്‍ അവസരം നല്‍കി ഈ ആഘാതത്തില്‍നിന്നു മുക്തമാകാന്‍ സഹായിക്കണം. അതു വഴി അവള്‍ക്കു വേണ്ടുന്ന ധാര്‍മ്മിക പിന്തുണ നല്‍കണം. അത് ഒരേസമയം മലയാള സിനിമയില്‍നിന്നും കേരളത്തിലെ ജനങ്ങളില്‍നിന്നുമുണ്ടാകണമെന്നും ജയപ്രദ പറഞ്ഞു.

സംഘടിച്ചുനിന്ന് പ്രശ്‌നങ്ങളെ സമീപിക്കാന്‍ കഴിയണമെന്നും മറ്റു ഭാഷകളിലും ഇതു സംഭവിക്കണമെന്നും വുമന്‍ ഇന്‍ സിനിമ കളക്ടീവിനെ അഭിനന്ദിച്ച് ജയപ്രദ പറഞ്ഞു. ഈ സംഘടന പക്ഷേ, സിനിമയ്ക്കുള്ളില്‍ മാത്രം ഒതുങ്ങിപ്പോകരുത്. നിയമപരമായ പിന്തുണയും പൊലീസിന്റേയും ജുഡീഷ്യല്‍ സംവിധാനത്തിന്റേയും പിന്തുണയും ഉണ്ടാകണം. എങ്കിലേ പരിമിതികള്‍ മറികടക്കാനാവൂ എന്നും താരം പറഞ്ഞു.

Click to comment

Leave a Reply

Your email address will not be published. Required fields are marked *

Keralavisiontv.com is a 24X7 news, entertainment website under KCBL.

Copyright © 2022 KCBL. Developed by Team Aloha

To Top