നടിയെ അക്രമിച്ച കേസില് റിമാന്ഡില് കഴിയുന്ന നടന് ദിലീപ് ഹൈക്കോടതിയില് ജാമ്യാപേക്ഷ നല്കി. അഭിഭാഷകന് ബി. രാമന് പിള്ള മുഖേന ഇന്ന് ഉച്ചയോടെയാണ് ജാമ്യാപേക്ഷ സമര്പ്പിച്ചത്. നടിയെ ആക്രമിച്ച കേസില് അറസ്റ്റിലായ ദിലീപ് രണ്ടാം തവണയാണ് ഹൈക്കോടതിയില് ജാമ്യാപേക്ഷ സമര്പ്പിക്കുന്നത്.നേരത്തെ ഹൈക്കോടതി ദിലീപിന് ജാമ്യം നിഷേധിച്ചിരുന്നു. അങ്കമാലി മജിസ്ട്രേറ്റ് കോടതി ജാമ്യാപേക്ഷ തള്ളിയതിനെ തുടര്ന്നാണ് ഹൈക്കോടതിയില് ജാമ്യഹര്ജി നല്കിയിരുന്നത്. എന്നാല് ജാമ്യാപേക്ഷ കോടതി തള്ളുകയായിരുന്നു. ജാമ്യം നല്കിയാല് സാക്ഷികളെ സ്വാധീനിക്കുമെന്നും തുടരന്വേഷണത്തെ ബാധിക്കുമെന്നും ചൂണ്ടിക്കാട്ടിയാണ് ജാമ്യാപേക്ഷ തള്ളിയിരുന്നത്.
അപ്പുണ്ണിയടക്കം ദിലീപിന് അടുപ്പമുള്ള ചിലരെക്കൂടി ചോദ്യംചെയ്യേണ്ടതുണ്ടെന്ന് ചൂണ്ടിക്കാട്ടിയാണ് നേരത്തേ പ്രോസിക്യൂഷന് ജാമ്യാപേക്ഷയെ എതിര്ത്തത്. സുപ്രധാന തെളിവായ മൊബൈല് ഫോണ് കണ്ടെത്തിയിട്ടില്ലെന്നതും പ്രോസിക്യൂഷന് പറഞ്ഞു. എന്നാല്, മൊബൈല് ഫോണ് നശിപ്പിച്ചുകളഞ്ഞെന്ന് പിന്നീട് അഭിഭാഷകന് മൊഴിനല്കുകയും ചെയ്തു.