ഉപരാഷ്ട്രപതി തെരഞ്ഞെടുപ്പ് ഇന്ന് നടക്കും. രാവിലെ 10 മുതല് വൈകീട്ട് അഞ്ചുവരെയാണ് വോട്ടെടുപ്പ്. ഏഴുമണിക്ക് ഫലം പ്രഖ്യാപിക്കും. മുന് കേന്ദ്രമന്ത്രിയും ബി.ജെ.പി. മുന് ദേശീയാധ്യക്ഷനുമായ വെങ്കയ്യ നായിഡുവാണ് എന്.ഡി.എ. സ്ഥാനാര്ഥി. ബംഗാള് മുന് ഗവര്ണറും ഗാന്ധിജിയുടെ ചെറുമകനുമായ ഗോപാല്കൃഷ്ണ ഗാന്ധിയാണ് പ്രതിപക്ഷസ്ഥാനാര്ഥി.
ലോക്സഭ, രാജ്യസഭ അംഗങ്ങള് അടങ്ങുന്ന ഇലക്ടറല് കോളജാണ് ഇന്ത്യയുടെ ഉപരാഷ്ട്രപതിയെ തെരഞ്ഞെടുക്കുന്നത്. ആകെ 790 വോട്ടുകളാണുള്ളത്. 245 രാജ്യസഭാ അംഗങ്ങളും 545 പേര് ലോക്സഭാ അംഗങ്ങളുമാണ്. നാമനിര്ദേശം ചെയ്യപ്പെട്ട അംഗങ്ങള്ക്കും വോട്ടവകാശമുണ്ട്. ആകെ 790 വോട്ടില് അഞ്ഞൂറോളം വോട്ടാണ് എന്ഡിഎ പ്രതീക്ഷിക്കുന്നത്.