കൊച്ചിയില് ഫ്ലാറ്റ് ലഭിക്കുന്നില്ലെന്ന് സംവിധായിക രതീന. ഫേയ്സ്ബുക്കിലൂടെയാണ് രതീന തന്റെ അനുഭവം പങ്കുവെച്ചത്. മമ്മൂട്ടിയും പാര്വതിയും പ്രധാനകഥാപാത്രങ്ങളായെത്തുന്ന പുഴു എന്ന ചിത്രത്തിന്റെ സംവിധായികയാണ് രതീന.”മുസ്ലിം വിഭാഗം, ഭര്ത്താവ് കൂടെയില്ല, സിനിമയില് ജോലി ചെയ്യുന്നു എന്നീ കാരണങ്ങളാണ് ഫ്ലാറ്റ് ലഭിക്കാത്തതിന് പിന്നിൽ.
“മുസ്ലിമാണെന്ന കാരണത്താല് ഫ്ലാറ്റ് വാടകക്ക് ലഭിക്കാത്ത അനുഭവം മുന്പുമുണ്ടായിട്ടുള്ളതിനാല് പുതുമ തോന്നിയില്ലെന്നും സിനിമയില് ജോലി ചെയ്യുന്നതും ഭര്ത്താവ് കൂടെയില്ലാത്തതും ഏഴ് വയസ്സുള്ള ഒരു കുട്ടിയുള്ളതുമാണ് ഇപ്പോള് കാരണമായി ചൂണ്ടിക്കാട്ടുന്നതെന്നും രതീന പറയുന്നു.”
ഫേസ്ബുക്ക് കുറിപ്പ്:
“റത്തീന ന്ന് പറയുമ്പോ??’
‘പറയുമ്പോ? ‘
മുസ്ലിം അല്ലല്ലോ ല്ലേ?? ‘
‘യെസ് ആണ്…’
‘ ഓ, അപ്പൊ ബുദ്ധിമുട്ടായിരിക്കും മാഡം!’
കൊച്ചിയില് വാടകയ്ക്കു ഫ്ലാറ്റ് അന്വേഷിച്ചു നടപ്പാണ്. മുന്പും ഇത് അനുഭവിച്ചിട്ടുള്ളതാണ്.. ഒട്ടും പുതുമ തോന്നിയില്ല. ഇത്തവണ പുതുമ തോന്നിയത്
ഏഴു വയസ്സിനു താഴെ പ്രായമുള്ള കുഞ്ഞുങ്ങള് പാടില്ല എന്ന് പറഞ്ഞപ്പോഴാ.. അവര് വീടിന്റെ കഴുക്കോല് ഇളക്കുമാരിക്കും!
പിന്നെ സ്ഥിരം ഫ്രഷ് ഐറ്റംസ്
ഭര്ത്താവ് കൂടെ ഇല്ലേല് നഹി നഹി
സിനിമായോ, നോ നെവര്
അപ്പോപിന്നെ മേല് പറഞ്ഞ
എല്ലാം കൃത്യമായി തികഞ്ഞ എനിക്കോ?! ..
‘ബാ.. പോവാം ….