തിരുവനന്തപുരം:എകെജി സെന്റര് ആക്രമണക്കേസിലെ പ്രതി കസ്റ്റഡിയിൽ. മണ്വിള സ്വദേശി ജിതിനെയാണ് ക്രൈംബ്രാഞ്ച് കസ്റ്റഡിയിലെടുത്തത്.ജിതിനാണ് സ്ഫോടക വസ്തുവെറിഞ്ഞതെന്നാണ് ക്രൈംബ്രാഞ്ചിന്റെ കണ്ടെത്തല്. യൂത്ത് കോണ്ഗ്രസ് പ്രവര്ത്തകനാണ് പിടിയിലായ ജിതിന്.
കഴിഞ്ഞ ജൂലൈ 30 ന് അര്ദ്ധരാത്രിയിലാണ് എകെജി സെന്ററിന് നേരെ പടക്കമേറുണ്ടായത്. ഭരിക്കുന്ന പാര്ട്ടിയുടെ സംസ്ഥാന കമ്മിറ്റി ആസ്ഥാനത്തെ ആക്രമണം വന് വിവാദമായി കത്തിപ്പടര്ന്നു. സെന്ററിലുണ്ടായിരുന്ന പി കെ ശ്രീമതിയുടെ വിവരണത്തോടെ സംഭവം കൂടുതല് ചര്ച്ചയായി. ആക്രമണം നടന്ന് മിനുട്ടുകള്ക്കുള്ളില് എല്ഡിഎഫ് കണ്വീനര് ഇപി ജയരാജന് ഇതിന് പിന്നിൽ ആരെന്ന് സംബന്ധിച്ച് പ്രതികരിച്ചു. സംസ്ഥാനത്ത് ഉടനീളം വന് പ്രതിഷേധത്തിന് വഴിതെളിച്ച സംഭവത്തില് പൊലീസ് അതിവേഗം നടപടി തുടങ്ങി. രാത്രി തന്നെ ഫോറന്സിക് സംഘമെത്തി പരിശോധന തുടങ്ങി.