നടനും മുന് എംപിയുമായ സുരേഷ് ഗോപി പേരില് മാറ്റം വരുത്തി. സോഷ്യല് മീഡിയ പേജുകളില് പേരില് ‘എസ്’ എന്ന ഒരക്ഷരം കൂടി ചേര്ത്താണ് മാറ്റം വരുത്തിയിരിക്കുന്നത്.Suresh Gopi ‘ എന്ന സ്പെല്ലിങ്ങിന് പകരം ‘Suressh Gopi’, എന്നാണ് ഇപ്പോള് താരത്തിന്റെ ഫേയ്സ്ബുക്ക് അടക്കമുള്ള പേജുകളില് ഉള്ളത്.
മുൻപ് നടിമാരായ ലെന, റായ് ലക്ഷ്മി, റോമ തുടങ്ങിയവരും പേരിന്റെ സ്പെല്ലിങ്ങില് ചെറിയ മാറ്റങ്ങള് വരുത്തിയിട്ടുണ്ട്.
മേ ഹൂം മൂസ എന്ന ചിത്രമാണ് സുരേഷ് ഗോപിയുടേതായി ഇനി റിലീസിനെത്തുന്നത്. ജിബു ജേക്കബ് സംവിധാനം ചെയ്തിരിക്കുന്ന ചിത്രം സുരേഷ് ഗോപിയുടെ കരിയറിലെ 253-ാം ചിത്രമാണ്. സെപ്റ്റംബര് 30നാണ് റിലീസ് പ്രഖ്യാപിച്ചിരിക്കുന്നത്.