തൃശൂർ: ധനലക്ഷ്മി ഗ്രൂപ്പ് ഓഫ് കമ്പനിയുടെ ഓണാഘോഷവും കസ്റ്റമർ മീറ്റും തിങ്കളാഴ്ച നടക്കുമെന്ന് ഭാരവാഹികള്‍ തൃശ്ശൂര്‍ പ്രസ് ക്ലബ്ബിൽ നടത്തിയ വാര്‍ത്താസമ്മേളനത്തില്‍ അറിയിച്ചു. കമ്പനിയുടെ 55 ശാഖകളെ 9 ഗ്രൂപ്പുകളായി തിരിച്ച് 9 ഹോട്ടലുകളിലാണ് പരിപാടി നടക്കുക.
ചടങ്ങില്‍ സാമ്പത്തികമായി പിന്നോക്കം നിൽക്കുന്ന 1500 കുടുംബങ്ങൾക്ക് ഭക്ഷ്യധാന്യ കിറ്റുകൾ കൈമാറും. അധ്യാപക ദിനാഘോഷത്തിന്‍റെ ഭാഗമായി 9 സ്ഥലങ്ങളിലായി 300 അധ്യാപകരെയും ആദരിക്കും.
വാര്‍ത്താസമ്മേളനത്തില്‍ ഭാരവാഹികളായ സുധീർ നായർ, വിമൽ വിജയ്, അനന്തുദാസ്, അഖിൽ സതീശൻ, കെ.എസ്.ശ്രീകുമാർ എന്നിവർ പങ്കെടുത്തു. തുടര്‍ന്ന് ദൃശ്യ-പത്ര മാധ്യമപ്രവർത്തകർക്കുള്ള 175 ഓളം ഓണക്കിറ്റുകളുടെ വിതരണോദ്ഘാടനം ധനലക്ഷ്മി ഗ്രൂപ്പ് ഓഫ് കമ്പനി ചെയർമാനും മാനേജിങ് ഡയറക്‌ടറുമായ ഡോ.വിപിൻദാസ് കടങ്ങോട്ട് നിർവഹിച്ചു.എക്സിക്യൂട്ടീവ് ഡയറക്ടര്‍മാര്‍ ,ഡയറക്ടര്‍മാര്‍ എന്നിവരും പങ്കെടുത്തു.
