ന്യൂഡല്ഹി: ട്വന്റി 20 പരമ്പരയിലെ ആദ്യ മത്സരത്തില് ഇന്ത്യയെ 7 വിക്കറ്റിന് തകര്ത്ത് ദക്ഷിണാഫ്രിക്ക. ഇന്ത്യ ഉയര്ത്തിയ 212 റണ്സ് വിജയലക്ഷ്യം അഞ്ചു പന്തുകള് ബാക്കിനില്ക്കേ മൂന്ന് വിക്കറ്റ് മാത്രം നഷ്ടപ്പെടുത്തി ദക്ഷിണാഫ്രിക്ക മറികടന്നു. ട്വന്റി 20-യില് ദക്ഷിണാഫ്രിക്കയുടെ ഏറ്റവും ഉയര്ന്ന റണ്ചേസാണിത്. തോല്വിയോടെ തുടര്ച്ചയായ 13 ജയങ്ങള് നേടി റെക്കോഡിടാമെന്ന ഇന്ത്യയുടെ ശ്രമം പാഴായി.
