തിരുവനന്തപുരം:സംസ്ഥാനത്തെ റേഷന് കടകള് ഇന്ന് തുറന്നു പ്രവര്ത്തിക്കും. നാളെയും മറ്റന്നാളും അഖിലേന്ത്യാ പണിമുടക്കു നടക്കുന്നതിനാല് റേഷന് വിതരണം തടസപ്പെടാന് സാധ്യതയുള്ളതിനാലാണ് ഇന്ന് റേഷന് കടകള് തുറക്കുന്നത്.
മാര്ച്ച് 28, 29 തിയതികളില് വിവിധ ട്രേഡ് യൂണിയന് സംഘടനകള് രാജ്യവ്യാപകമായി പണിമുടക്ക് പ്രഖ്യാപിച്ചിട്ടുള്ള സാഹചര്യത്തില് റേഷന് കടകള് തുറന്ന് പ്രവര്ത്തിപ്പിക്കാന് കഴിയാതെവന്നേക്കാമെന്നും റേഷന് വിതരണത്തിന്റെ തോത് എല്ലാ മാസത്തെയും പോലെ എത്താന് പ്രയാസമായി വന്നേക്കാമെന്ന് ശ്രദ്ധയില്പ്പെട്ടതിന്റെ അടിസ്ഥാനത്തില് സംസ്ഥാനത്തെ റേഷന് കടകള് 2022 മാര്ച്ച് 27ന് തുറന്ന് പ്രവര്ത്തിപ്പിക്കുന്നതിന് ഭക്ഷ്യ പൊതുവിതരണ വകുപ്പ് ഉത്തരവിട്ടു.