മെൽബൺ:ഓസ്ട്രേലിയന് ഓള്റൗണ്ടര് ഗ്ലെന് മാക്സ്വെല്ലും ഇന്ത്യന് വംശജ വിനി രാമനും വിവാഹിതരായി.വെള്ളിയാഴ്ച അടുത്ത ബന്ധുക്കളും സുഹൃത്തുക്കളും മാത്രമുള്ള ചടങ്ങിലായിരുന്നു വിവാഹം. മിസ്റ്റർ ആന്ഡ് മിസിസ് മാക്സ്വെല് എന്ന ക്യാപ്ഷനോടെ വിനി രാമന് ഇന്സ്റ്റഗ്രാമില് റോയല് ചലഞ്ചേഴ്സ് ബാംഗ്ലൂര് താരത്തിനൊപ്പമുള്ള ചിത്രം പങ്കുവെച്ചു. 18.03.22 എന്ന തിയതിയാണ് ഒപ്പം നല്കിയിരിക്കുന്നത്.
2020 ഫെബ്രുവരിയിലാണ് ഇവരുടെ വിവാഹ നിശ്ചയം കഴിഞ്ഞത്. 2017ലാണ് ഇരുവരും ഒരുമിച്ചുള്ള ചിത്രങ്ങള് ആദ്യം പുറത്തു വരുന്നത്. 2019ലെ ഓസ്ട്രേലിയന് ക്രിക്കറ്റ് അവാര്ഡ്സില് മാക്സ് വെല്ലിനൊപ്പം വിനിയും എത്തി.
ഓസ്ട്രേലിയയിലേക്ക് കുടിയേറിയ തമിഴ് കുടുംബത്തിലെ അംഗമാണ് വിനി. മാര്ച്ച് 27ന് തമിഴ് ആചാര പ്രകാരവും വിവാഹം നടക്കും. ഈ ചടങ്ങിലേക്കുള്ള തമിഴിലെ ക്ഷണക്കത്ത് സമൂഹമാധ്യമങ്ങളില് വൈറലായിരുന്നു.
ഏറെ നാളത്തെ പ്രണയത്തിനൊടുവിലാണ് ഇവരുടെ വിവാഹം.