പാള്: ഏകദിന ക്രിക്കറ്റ് പരമ്പരയിലെ ആദ്യ മത്സരത്തില് ഇന്ത്യയെ ദക്ഷിണാഫ്രിക്ക 31 റണ്സിന് കീഴടക്കി. മൂന്ന് മത്സര പരമ്പരയിൽ 1-0ന് മുന്നിലെത്തി.297 റണ്സ് വിജയലക്ഷ്യം പിന്തുടര്ന്ന ഇന്ത്യ ഓപ്പണര് ശിഖര് ധവാന്റെയും വിരാട് കോലിയുടെയും അര്ധസെഞ്ചുറികളുടെ കരുത്തില് വിജയപ്രതീക്ഷ ഉയര്ത്തിയെങ്കിലും ഇരുവരും മടങ്ങിയതോടെ പൊരുതാതെ മടങ്ങിയ യുവതാരങ്ങള് ഇന്ത്യന് തോല്വി വേഗത്തിലാക്കി.
29-ാം ഓവറില് 152-2 എന്ന ശക്തമായ നിലയിലായിരുന്ന ഇന്ത്യ കോലി പുറത്തായതിന് ശേഷം 50 ഓവറില് എട്ട് വിക്കറ്റ് നഷ്ടത്തില് 265 റണ്സെടുത്ത് പോരാട്ടം അവസാനിപ്പിച്ചു. 79 റണ്സെടുത്ത ശിഖര് ധവാനാണ് ഇന്ത്യയുടെ ടോപ് സ്കോറര്. കോലി 51 റണ്സെടുത്ത് പുറത്തായി. വാലറ്റത്ത് 43 പന്തില് 50 റണ്സുമായി പുറത്താകാതെ നിന്ന ഷര്ദ്ദുല് ഠാക്കൂറിന്റെ പോരാട്ടം ഇന്ത്യയുടെ വൻ തോൽവി എന്ന ആഘാതം കുറച്ചു. രണ്ട് വിക്കറ്റ് വീതം വീഴ്ത്തിയ ആന്ഡില് ഫെലുക്കുവായോയും ലുങ്കി എങ്കിഡിയുമാണ് ടബ്രൈസ് ഷംസിയുമാണ് ദക്ഷിണാഫ്രിക്കയുടെ ജയം അനായാസമാക്കിയത്. സ്കോര് ദക്ഷിണാഫ്രിക്ക 50 ഓവറില് 296-4, ഇന്ത്യ 50 ഓവറില് 265–8.