Breaking News

മണ്ണൂത്തി കാര്‍ഷിക സര്‍വ്വകലാശാല വിദ്യാര്‍ത്ഥിയെ ഹോസ്റ്റലില്‍ തൂങ്ങിമരിച്ചനിലയില്‍ കണ്ടെത്തി

തൃശ്ശൂർ:മണ്ണൂത്തി കാര്‍ഷിക സര്‍വ്വകലാശാല വിദ്യാര്‍ത്ഥിയെ ഹോസ്റ്റലില്‍ തൂങ്ങിമരിച്ചനിലയില്‍ കണ്ടെത്തി.പാലക്കാട് കൊഴിഞ്ഞാമ്പാറ സ്വദേശി മഹേഷിനെ ആണ് മരിച്ച നിലയില്‍ കണ്ടെത്തിയത്.
മണ്ണൂത്തി കാര്‍ഷിക സര്‍വ്വകലാശല ക്യാമ്പസിലെ ഹോര്‍ട്ടികള്‍ച്ചര്‍ കോളേജിലെ ഒന്നാം വര്‍ഷ വിദ്യാര്‍ത്ഥിയായിരുന്നു മഹേഷ്.ഒരാഴ്ച മുൻപാണ് ക്യാമ്പസിൽ എത്തിയത്. ആണ്‍കുട്ടികളുടെ ഹോസ്റ്റലായ പമ്പയിൽ ആയിരുന്നു താമസം. ക്യാമ്പസിൽ നിന്ന് പഠനം പൂര്‍ത്തിയാക്കി പുറത്തിറങ്ങിയ ചിലര്‍ ഇന്നലെ രാത്രി ഹോസ്റ്റലില്‍ എത്തിയിരുന്നതായി സഹപാഠികള്‍ പറയുന്നു. ഇവര്‍ പോയശേഷം രാത്രി 12 മണിക്കാണ് മഹേഷിനെ മുറിയില്‍ തൂങ്ങി മരിച്ച നിലയില്‍ കണ്ടെത്തിയത്.

മരണത്തില്‍ ദുരൂഹതയുണ്ടെന്നും ഇക്കാര്യം അന്വേഷിക്കണമെന്നാവശ്യപ്പെട്ട് ജില്ലാ പൊലീസ് മേധാവിയ്ക്ക് എസ്‌എഫ്‌ഐ പരാതി നല്‍കി.മഹേഷിന് മറ്റ് യാതൊരു പ്രശ്‌നങ്ങളും ഉണ്ടായിരുന്നില്ലെന്ന് ബന്ധുക്കള്‍ വ്യക്തമാക്കി. കോളേജില്‍ വന്ന ശേഷം എന്താണ് സംഭിച്ചത് എന്ന് അറിയില്ലെന്നും അവര്‍ അറിയിച്ചു.

അതേസമയം, മഹേഷിന്റെ ആത്മഹത്യാ കുറിപ്പ് കണ്ടുകിട്ടിയതായി പൊലീസ് അറിയിച്ചു. ഇതില്‍ റാഗിങ്ങിനെ കുറിച്ച്‌ യാതൊരു പരാമര്‍ശവുമില്ല. പ്രണയബന്ധം തകര്‍ന്നതാണോ ആത്മഹത്യക്ക് കാരണമായതെന്നും പൊലീസ് സംശയിക്കുന്നു. മഹേഷിന്റെ ഫോണ്‍ പരിശോധിച്ചു വരികയാണ്. മണ്ണുത്തി പൊലീസ് സഹപാഠികളുടെ മൊഴി എടുത്തു.

Click to comment

Leave a Reply

Your email address will not be published. Required fields are marked *

Keralavisiontv.com is a 24X7 news, entertainment website under KCBL.

Copyright © 2022 KCBL. Developed by Team Aloha

To Top