കഴക്കൂട്ടം: സ്‌കൂട്ടര്‍ വാനിലിടിച്ച്‌ കോളജ് വിദ്യാര്‍ഥിനി മരിച്ചു. ഒരാള്‍ക്ക് ഗുരുതരപരിക്ക്.കാര്യവട്ടം ഗവ. കോളജിലെ മൂന്നാം വര്‍ഷ ബയോ ടെക്‌നോളജി മൂന്നാം വര്‍ഷ വിദ്യാര്‍ഥിനിനി കല്ലമ്പലം തോട്ടയ്ക്കാട് വരദാനത്തില്‍ ധ്വനി (21) ആണ് മരിച്ചത്.
കൂടെ സ്‌കൂട്ടറില്‍ സഞ്ചരിച്ച മൂന്നാം വര്‍ഷ ബയോടെക്നോളജി വിദ്യാര്‍ഥിനി മേനംകുളം സ്വദേശിനി ഷാഹിനി (22)യെ പരിക്കുകളോടെ മെഡിക്കല്‍ കോളജ് ആശുപത്രിയില്‍ ചികിത്സയിലാണ്. വെള്ളിയാഴ്ച ഉച്ചയോടെ മേനംകുളം ജംഗ്ഷന്‍ എത്തുന്നതിനു മുന്‍പാണ് സംഭവം.
കൂട്ടുകാരിയുടെ വീട്ടില്‍ നോട്ട് വാങ്ങാന്‍ സ്‌കൂട്ടറില്‍ പോകും വഴി ടിപ്പര്‍ ലോറിയെ മറികടക്കുന്നതിനിടെ എതിരെ വന്നവാനില്‍ ഇടിച്ചു ഇവര്‍ റോഡില്‍ വീഴുകയായിരുന്നു. തലയ്ക്ക് ഗുരുതരമായി പരിക്കേറ്റ ധ്വനിയെയും ഷാഹിനിയേയും നാട്ടുകാര്‍ ആശുപത്രിയില്‍ എത്തിച്ചെങ്കിലും ധ്വനി വൈകിട്ടോടെ മരിക്കുകയായിരുന്നു. പരേതനായ രാജേഷിന്‍റെയും അധ്യാപികയായ ലിലുവിന്‍റെയും ഏക മകളാണ് ധ്വനി.
