പയ്യന്നൂര്‍: റോഡിനു കുറുകെ ചാടിയ പൂച്ചയെ രക്ഷിക്കാന്‍ ശ്രമിക്കവെ മകെന്‍റ ബൈക്കില്‍നിന്ന് തെറിച്ചുവീണ വീട്ടമ്മ മരിച്ചു.രാമന്തളി കുന്നരു വടക്കേഭാഗത്തെ കെ.പി.വി. ബാലെന്‍റ ഭാര്യ സി. സാവിത്രിയാണ് (49) മരിച്ചത്. ഞായറാഴ്ച രാവിലെ 9.30ഓടെ പയ്യന്നൂര്‍ പൊലീസ് സ്റ്റേഷന്‍ റോഡിലായിരുന്നു അപകടം.കണ്ടോത്ത് താമസിക്കുന്ന ബന്ധുവിെന്‍റ മരണവിവരമറിഞ്ഞ് മകന്‍ സനീഷിനൊപ്പം ബൈക്കില്‍ പോകവെ പയ്യന്നൂര്‍ മാളിനു സമീപത്തായിരുന്നു അപകടം.
റോഡില്‍ പൂച്ച കുറുകെ ചാടിയതോടെ ബ്രേക്ക് ചെയ്തതിനെ തുടര്‍ന്ന് ബൈക്ക് തെന്നിപ്പോവുകയും പിറകിലിരുന്ന സാവിത്രി റോഡിലേക്ക് തെറിച്ചു വീഴുകയുമായിരുന്നു. പരിക്കേറ്റ ഇവരെ പയ്യന്നൂരിലെ ആശുപത്രിയില്‍ പ്രാഥമിക ചികിത്സ നല്‍കിയശേഷം കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.ഗുരുതരാവസ്ഥയില്‍ തീവ്രപരിചരണ വിഭാഗത്തിലെ ചികിത്സക്കിടെ രാത്രിയോടെ മരിച്ചു. ബൈക്ക് ഓടിച്ച സനീഷിന് നിസ്സാര പരിക്കേറ്റു. മറ്റൊരു മകന്‍: സനല്‍. സഹോദരങ്ങള്‍: നാരായണന്‍ (ഡ്രൈവര്‍), കൃഷ്ണന്‍ (എ.എസ്.ഐ, എ.ആര്‍ ക്യാമ്പ്, കാസര്‍കോട്), പുഷ്പ.
