മാഞ്ചസ്റ്റര്‍:ചെങ്കുപ്പായക്കാർ നിറഞ്ഞ ഓള്‍ഡ് ട്രാഫോഡ് മൈതാനത്തേയും കാല്‍പന്ത് ആരാധകരെയും ഉന്മാദത്തിലാറാടിച്ച്‌ ക്രിസ്റ്റ്യാനോ റൊണാള്‍ഡോയുടെ രാജകീയ തിരിച്ചുവരവ്.ചെങ്കുപ്പായത്തില്‍ റൊണാള്‍ഡോയുടെ കാലുകള്‍ വീണ്ടും ഗോള്‍ ചുരത്തിയപ്പോള്‍ സ്വന്തം മൈതാനത്ത് യുണൈറ്റഡിന് ആവേശ ജയം.
ന്യൂകാസില്‍ യുനൈറ്റഡിനെ ഒന്നിനെതിരെ നാലുഗോളുകള്‍ക്കാണ് യുണൈറ്റഡ് തകര്‍ത്തത്. ഇരട്ടഗോളുകളുമായി റൊണാള്‍ഡോ മത്സരം സ്വന്തം പേരിലെഴുതിയപ്പോള്‍ പോര്‍ച്ചുഗീസുകാരന്‍ തന്നെയായ ബ്രൂണോ ഫെര്‍ണാണ്ടസ് മൂന്നാംഗോള്‍ നേടി ടീമിന്‍റെ വിജയമുറപ്പിച്ചു. മത്സരം അവസാനിക്കാനിരിക്കേ ജെസ്സി ലിങ്ഗാള്‍ഡിന്‍റെ വകയായിരുന്നു നാലാംഗോള്‍.
രണ്ടാംപകുതിയുടെ 56ാം മിനിറ്റില്‍ ജാവിയര്‍ മാന്‍കില്ലോയുടെ ഗോളില്‍ ന്യൂകാസില്‍ ആതിഥേയരെ ഞെട്ടിച്ചു. 62ാം മിനിറ്റിലായിരുന്നു തന്‍റെ അത്ലറ്റിസം റൊണാള്‍ഡോ പുറത്തെടുത്തത്. ലൂക്ഷാ നീട്ടിക്കൊടുത്ത പന്തുമായി ഒറ്റക്ക് പാഞ്ഞുകയറിയ റൊണാള്‍ഡോ അനായാസം രണ്ടാംഗോള്‍ കുറിക്കുേമ്ബാള്‍ ഗാലറി ആരവങ്ങളിലാറാടി.
80ാം മിനിറ്റില്‍ ബ്രൂണോയുടെ റോക്കറ്റ് ഗോളും പിറന്നതോടെ യുനൈറ്റഡ് വിജയമുറപ്പിച്ചു. നാലുമത്സരങ്ങള്‍ പൂര്‍ത്തിയായപ്പോള്‍ 10 പോയന്‍റുമായി യുനൈറ്റഡ് ലീഗില്‍ ഒന്നാംസ്ഥാനത്തേക്ക് കയറി.
