ന്യൂഡൽഹി:ഭരണത്തുടർച്ച നേടിയ ശേഷമുളള മുഖ്യമന്ത്രി പിണറായി വിജയന്റെ ആദ്യ ഔദ്യോഗിക ഡൽഹി സന്ദർശനത്തിന് ഇന്ന് തുടക്കം. വൈകിട്ട് 4 മണിക്ക് പ്രധാനമന്ത്രി നരേന്ദ്ര മോദിയുമായി മുഖ്യമന്ത്രി കൂടിക്കാഴ്ച നടത്തും. കെ റെയിൽ അടക്കമുള്ള വികസന വിഷയങ്ങളും വാക്സീൻ ഉൾപ്പെടെയുള്ള കൂടുതൽ സഹായങ്ങളും ചർച്ചയാകും. പുതിയ സഹകരണ വകുപ്പ് രൂപീകരണത്തിലെ സംസ്ഥാനത്തിന്റെ ആശങ്കയും മുഖ്യമന്ത്രി അറിയിക്കും. ഉച്ചയ്ക്ക് 12.30 ന് കേന്ദ്ര പെട്രോളിയം – മന്ത്രി ഹർദീപ് സിംഗ് പുരിയുമായും ഉച്ചകഴിഞ്ഞ് മൂന്നിന് പ്രധാനമന്ത്രിയുടെ പ്രിൻസിപ്പൽ സെക്രട്ടറി ഡോ. പി.കെ. മിശ്രയുമായും പിണറായി വിജയൻ കൂടിക്കാഴ്ച നടത്തും. രാത്രി കേരള ഹൗസിലെത്തിയ മുഖ്യമന്ത്രിക്ക് ജീവനക്കാർ സ്വീകരണം നൽകി.
മുഖ്യമന്ത്രി ഡൽഹിയിൽ,ഇന്ന് പ്രധാനമന്ത്രിയെ കാണും
By
July 13, 2021 7:33 am