തിരുവനനന്തപുരം: സംസ്ഥാനത്ത് ബാറുകളില് ഇന്ന് മുതല് മദ്യവില്പ്പന പുനരാരംഭിക്കും. വിൽപ്പന പുനരാരംഭിച്ചത് ആയി ചില ബാർ ഉടമകൾ അറിയിച്ചു. വെയര്ഹൗസ് നികുതി 25 ശതമാനത്തില് നിന്ന് 13 ശതമാനമാക്കി കുറയ്ക്കാന് സര്ക്കാര് തീരുമാനിച്ചു. ബാറുടമകളുമായി സര്ക്കാര് നടത്തിയ ചര്ച്ചയിലാണ് തീരുമാനം.
കോവിഡ് വ്യാപനത്തിന്റെ പശ്ചാത്തലത്തില് ബിവറേജസിന് മുന്നിലെ നീണ്ട നിരയുമായി ബന്ധപ്പെട്ട് സംസ്ഥാന സര്ക്കാരിനെ ഹൈക്കോടതി വിമര്ശിച്ചിരുന്നു. കല്യാണത്തിന് 20 പേര് മതിയെന്ന് നിഷ്കര്ഷിക്കുന്ന സര്ക്കാര് ബിവറേജസിന് മുന്നിലെ നീണ്ട നിര ഒഴിവാക്കാന് നടപടി സ്വീകരിക്കാത്തതാണ് വിമര്ശനത്തിന് ഇടയാക്കിയത്. ഈ പശ്ചാത്തലത്തിലാണ് ബാറുകളിലെ മദ്യവില്പ്പന പുനരാരംഭിക്കുന്നതിന് സര്ക്കാര് അടിയന്തര നടപടി സ്വീകരിച്ചത്. വെയര്ഹൗസ് നികുതി 25 ശതമാനത്തില് നിന്ന് 13 ശതമാനമാക്കി കുറച്ചാണ് പ്രശ്നത്തിന് പരിഹാരം കണ്ടത്. ഇതിന്റെ അടിസ്ഥാനത്തില് ബാറുകള് വഴി മദ്യം പാര്സലായി നല്കുന്നത് പുനരാരംഭിക്കാന് ബാറുടമകള് തീരുമാനിക്കുകയായിരുന്നു.