തിരുവനന്തപുരം: വിഴിഞ്ഞം വെങ്ങാനൂരില് യുവതിയെ ഭര്ത്താവിന്റെ വീട്ടില് തീകൊളുത്തി മരിച്ച നിലയില് കണ്ടെത്തി. വെങ്ങാനൂര് സ്വദേശിനി അര്ച്ചന(24)യെയാണ് മരിച്ച നിലയില് കണ്ടെത്തിയത്.
ഇന്നലെ രാത്രി പതിനൊന്നോടെയാണ് സംഭവം. ഭര്ത്താവ് സുരേഷിനെ പോലീസ് കസ്റ്റഡിയില് എടുത്തു.മരണത്തില് ദുരൂഹതയുണ്ടെന്ന് ബന്ധുക്കള് ആരോപിച്ചു. കട്ടച്ചല്ക്കുഴിയിലെ വാടകവീട്ടിലായിരുന്നു സുരേഷും അര്ച്ചനയും താമസിച്ചിരുന്നത്.
ഏറെ നാളായി സുരേഷും അര്ച്ചനയുമായി വഴക്കുണ്ടായിരുന്നെന്നും സ്ത്രീധനത്തിന്റെ പേരില് ഭര്ത്താവ് പീഡിപ്പിച്ചിരുന്നെന്നും ബന്ധുക്കള് ആരോപിക്കുന്നു. അര്ച്ചനയുടെ മൃതദേഹം തിരുവനന്തപുരം മെഡിക്കല് കോളേജ് ആശുപത്രിയിലേക്ക് മാറ്റി.