വാഴ്സോ: സ്പാനിഷ് ക്ലബായ വിയ്യാറയലിന് ചരിത്ര നിമിഷം. യൂറോപ്യന് ക്ലബ് ഫുട്ബോള് രംഗത്തെ രണ്ടാംനിരക്കാരുടെ വേദിയായ യുവേഫ യൂറോപ്പ ലീഗ് കിരീടം സ്വന്തമാക്കി വിയ്യാറയല്. ക്ലബിന്റെ 98 വര്ഷത്തെ ചരിത്രത്തില് ആദ്യ മേജര് കിരീടമാണിത്. ഇംഗ്ലീഷ് ക്ലബ് മാഞ്ചസ്റ്റര് യുണൈറ്റഡിനെ പെനാല്റ്റിയില് വീഴ്ത്തിയാണ് വിയ്യാറയല് കിരീടത്തില് മുത്തമിട്ടത്.
നിശ്ചിത സമയത്തും എക്സ്ട്രാ മിനിറ്റിലും 1-1 എന്ന നിലയിലായിരുന്ന മത്സരം പെനാല്റ്റി ഷൂട്ടൗട്ടില് എത്തിയപ്പോള് 11-10 എന്ന സ്കോറിലാണ് വിയ്യാറയല് വിജയിച്ചത്.