തിരുവനന്തപുരം: മുഖ്യമന്ത്രി പിണറായി വിജയനുൾപ്പടെയുള്ള മന്ത്രിസഭാംഗങ്ങളുടെ സത്യപ്രതിജ്ഞാദിനം തുടങ്ങിയത് പുന്നപ്ര വയലാറിലെ സമരഭൂമിയിൽ നിന്ന്. മുഖ്യമന്ത്രിയും സിപിഎം, സിപിഐ മന്ത്രിമാരും എൽഡിഎഫ് കൺവീനർ ഉൾപ്പെടെ പ്രമുഖ നേതാക്കളും വിപ്ലവ മണ്ണിലെത്തി രക്തസാക്ഷികൾക്ക് പുഷ്പാർച്ചന നടത്തി.
പുന്നപ്ര വയലാര്‍ രക്തസാക്ഷികള്‍ തൊട്ട് പാര്‍ട്ടിയുടെ കണ്ണുംകാതുമായ ധീരേതിഹാസങ്ങളുടെ ഓര്‍മകള്‍ക്ക് മുന്നില്‍ പുഷ്പചക്രമര്‍പ്പിച്ച് പിണറായി വിജയനും കൂട്ടരും നടന്നുകയറുന്നത് പുതിയൊരു വിപ്ലവചരിത്രത്തിലേക്കാണ്. വെല്ലുവിളികള്‍ മാത്രം നിറഞ്ഞൊരു കാലത്ത് എന്തത്ഭുതമാണ് ഇവര്‍ കാണിക്കാന്‍ പോകുന്നതെന്ന വലിയ കൗതുകത്തോടെ, പ്രതീക്ഷയോടെ ഉറ്റുനോക്കുന്നു ജനവും.
