മുംബൈ: കൊല്ക്കത്ത നൈറ്റ് റൈേഡഴ്സ് താരങ്ങളായ സന്ദീപ് വാര്യറും വരുണ് ചക്രവര്ത്തിയും കോവിഡ് പോസിറ്റീവായതോടെ ഇന്ത്യന് പ്രിമിയര് ലീഗില് തിങ്കളാഴ്ചത്തെ കളി നീട്ടി. കൊല്ക്കത്തയും ബാംഗ്ലൂരും തമ്മിലെ മത്സരമാണ് നീട്ടിവെച്ചത്. കൊല്ക്കത്ത ക്യാമ്പിൽ പലര്ക്കും രോഗബാധ സംശയിക്കുന്നതായും ചില റിപ്പോര്ട്ടുകള് പറയുന്നു. മലയാളി താരമാണ് സന്ദീപ് വാര്യര്.
ചക്രവര്ത്തിയുടെ കോവിഡ് പരിശോധനാ ഫലം പൊസിറ്റീവ് ആണെന്ന് ഞായറാഴ്ച വൈകീട്ടാണ് വിവരം ലഭിച്ചത്. പിന്നാലെ, സന്ദീപിന്റെ ഫലവും പോസിറ്റീവ് ആയി. തുടര്ന്ന് ടീമംഗങ്ങള് ഐസൊലേഷനിലേക്ക് മാറുകയായിരുന്നു.