കണ്ണൂർ: പാനൂർ പുല്ലൂക്കരയിലെ മുസ്ലിം ലീഗ് പ്രവർത്തകൻ മൻസൂർ വധക്കേസിലെ പത്താം പ്രതി പി.പി. ജാബിറിന്റെ വാഹനങ്ങൾ കത്തിനശിച്ച നിലയിൽ. വീടിന് പിന്നിലെ ഷെഡിൽ നിർത്തിയിട്ടിരുന്ന ഒരു കാറും രണ്ട് ബൈക്കുകളും പൂർണമായും കത്തിനശിച്ചു.
മുക്കിൽ പീടികയിൽ ചൊവ്വാഴ്ച പുലർച്ചെ രണ്ടോടെയായിരുന്നു സംഭവം. ചൊക്ലി പോലീസും ഫയർ സർവീസും ചേർന്നാണ് തീയണച്ചത്. സംഭവത്തിനു പിന്നിൽ ലീഗ് പ്രവർത്തകരാണെന്നാണ് സിപിഎം ആരോപിക്കുന്നത്.
ജാബിറിനെ പിടികൂടാത്തതിൽ ലീഗ് പ്രതിഷേധിച്ചിരുന്നു. സിപിഎം പെരിങ്ങളം ലോക്കൽ കമ്മിറ്റി അംഗമാണ് ജാബിർ.