മുംബൈ: നഗരത്തിലെ കോവിഡ് ആശുപത്രിയിലുണ്ടായ തീപിടിത്തത്തില്‍ മരിച്ചവരുടെ എണ്ണം പത്തായി. ഡ്രീംസ് മാളിലെ മൂന്നാം നിലയിലെ കോവിഡ് ആശുപത്രിയിലായിരുന്നു തീപിടിത്തം.
തീപിടിത്തമല്ല മരണകാരണമെന്നും കോവിഡ് 19ആണെന്നും സണ്‍റൈസ് ആശുപത്രി പുറത്തിറക്കിയ വാര്‍ത്താക്കുറിപ്പില്‍ പറയുന്നു. കൂടാതെ മൃതദേഹങ്ങള്‍ പുറത്തെത്തിച്ചതായും ആശുപത്രി അധികൃതര്‍ വ്യക്തമാക്കി.
നേരത്തേ തീപിടിത്തത്തില്‍ രണ്ടുപേര്‍ മരിച്ച വാര്‍ത്ത പുറത്തുവന്നിരുന്നു. നിരവധി പേര്‍ കുടുങ്ങി കിടക്കുന്നുണ്ടെന്നും വിവരമുണ്ടായിരുന്നു. എന്നാല്‍ മണിക്കൂറുകള്‍ക്കകം മരണസംഖ്യ ഉയരുകയായിരുന്നു. മുംബൈ ആശുപത്രി കെട്ടിടത്തിലുണ്ടായ തീപിടിത്തത്തില്‍ മരിച്ചവരുടെ എണ്ണം പത്തായതായി മുതിര്‍ന്ന ഫയര്‍േഫാഴ്സ് ഉദ്യോഗസ്ഥന്‍ പറഞ്ഞു
