കോട്ടയം ∙ നിയമസഭാ തിരഞ്ഞെടുപ്പിലേക്കുള്ള കേരള കോൺഗ്രസ് (എം) സ്ഥാനാർഥികളെ പ്രഖ്യാപിച്ചു. കുറ്റ്യാടി ഒഴികെയുള്ള മണ്ഡലങ്ങളിലെ സ്ഥാനാർഥികളെയാണ് പ്രഖ്യാപിച്ചത്. കുറ്റ്യാടി സീറ്റ് കേരള കോൺഗ്രസിന് (എം) നൽകിയതിനെതിരെ വ്യാപകപ്രതിഷേധം തുടരുന്ന സാഹചര്യത്തിൽ സിപിഎമ്മുമായി ആലോചിച്ച് പ്രഖ്യാപിക്കുമെന്ന് പാർട്ടി നേതൃത്വം വ്യക്തമാക്കി.
സ്ഥാനാർഥികൾ:
പാലാ – ജോസ് കെ. മാണി
ഇടുക്കി – റോഷി അഗസ്റ്റിൻ
ചങ്ങനാശേരി – ജോബ് മൈക്കിൾ
കടുത്തുരുത്തി – സ്റ്റീഫൻ ജോർജ്
പൂഞ്ഞാർ – സെബാസ്റ്റ്യൻ കുളത്തുങ്കൽ
തൊടുപുഴ – കെ.ഐ.ആന്റണി
പെരുമ്പാവൂർ – ബാബു ജോസഫ്
റാന്നി – പ്രമോദ് നാരായണൻ
പിറവം – സിന്ധുമോൾ ജേക്കബ്
ചാലക്കുടി – ഡെന്നീസ് കെ. ആന്റണി
ഇരിക്കൂർ – സജി കുറ്റ്യാനിമറ്റം.
അതേസമയം പിറവത്ത് സീറ്റ് നിഷേധിച്ചതിൽ പ്രതിഷേധിച്ച് കേരള കോൺഗ്രസ്-എം നേതാവും പിറവം നഗരസഭ കൗൺസിലറുമായ ജിൽസ് പെരിയപുറം പാർട്ടി വിട്ടു.
