കൊല്ക്കത്ത: പശ്ചിമ ബംഗാളിലെ കൊല്ക്കത്തയില് റെയില്വേയുടെ കെട്ടിടത്തിലുണ്ടായ തീപിടുത്തത്തില് 9 പേര് മരിച്ചു. സെന്ട്രല് കൊല്ക്കത്തയിലെ സ്ട്രാന്ഡ് റോഡിലെ ന്യൂ കൊയ്ലാഘട്ട് ബില്ഡിംഗിലാണ് ഇന്നലെ വൈകീട്ടോടെ വന് അഗ്നിബാധയുണ്ടായത്.
കെട്ടിടത്തിന്റെ 13-ാം നിലയിലാണ് തീപ്പിടിത്തമുണ്ടായത്. ഈസ്റ്റേണ് റെയില്വേയും സൗത്ത് ഈസ്റ്റേണ് റെയില്വേയും സംയുക്തമായി ഉപയോഗിക്കുന്ന ഓഫീസ് കെട്ടിടമാണ് ഇത്. ടിക്കറ്റിങ് ഓഫീസുകളാണ് കെട്ടിടത്തില് പ്രവര്ത്തിച്ചിരുന്നതെന്നാണ് റിപ്പോര്ട്ടുകള്.
തീപിടുത്തത്തില് നാല് അഗ്നിരക്ഷാ സേനാ ഉദ്യോഗസ്ഥരും ഒരു പൊലീസുകാരനും ഒരു റെയില്വേ ഓഫീസറും ഒരു സുരക്ഷാജീവനക്കാരനും മരിച്ചു.