കൊച്ചി : ദേശീയ പണിമുടക്കില് ജോലിക്കെത്താത്തവര്ക്ക് ശമ്പളം നല്കാനുള്ള സര്ക്കാര് ഉത്തരവ് ഹൈക്കോടതി റദ്ദാക്കി. 2019 ജനുവരി 8,9 ദിവസങ്ങളിലായിരുന്നു കേന്ദ്രനയങ്ങള്ക്കെതിരെ പണിമുടക്ക് നടന്നത്.
സമരദിനങ്ങള് ശമ്പളം ഉള്ള അവധിയാക്കിയാണ് സര്ക്കാര് ഉത്തരവ് പുറപ്പെടുവിച്ചത്. സമരത്തില് പങ്കെടുത്ത ജീവനക്കാർക്ക് ശമ്പളം അനുവദിച്ചുകൊണ്ടുള്ള ഈ ഉത്തരവ് ഹൈക്കോടതി റദ്ദാക്കി.
ആലപ്പുഴ കളര്കോട് സ്വദേശിയും മുന് സര്ക്കാര് ജീവനക്കാരനുമായ ബാലഗോപാല് സമര്പ്പിച്ച പൊതുതാല്പ്പര്യ ഹര്ജി പരിഗണിച്ചാണ് ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ചിന്റെ ഉത്തരവ്.
കേന്ദ്രസര്ക്കാര് നയങ്ങള്ക്കെതിരെയാണ് ജനുവരി 8,9 ദിവസങ്ങളില് അഖിലേന്ത്യാ പണിമുടക്ക് നടത്തിയത്.