ബ്യൂണസ് ഐറീസ്: ലോകകപ്പ് യോഗ്യത മത്സരത്തിൽ അർജന്‍റീനയെ സമനിലയിൽ തളച്ച് പരാഗ്വേ. ബ്യൂണസ് ഐറീസിലെ ലാ ബോംബോനെറയിൽ നടന്ന മത്സരത്തിൽ ഇരുടീമും ഓരോ ഗോൾ വീതം നേടി സമനില പാലിക്കുകയായിരുന്നു.
മത്സരത്തിൽ പരാഗ്വേയാണ് ആദ്യ ഗോൾ നേടിയത്. അൽമിറോണിനെ ഫൗൾ ചെയ്തതിന് ലഭിച്ച പെനാൽറ്റി വലയിലെത്തിച്ച് ഏഞ്ചൽ റോമെറോ പരാഗ്വേയെ മുന്നിൽ എത്തിച്ചു. നാല്പത്തിയൊന്നാം മിനിറ്റിൽ നിക്കോളാസ് ഗോൺസാലസ് അർജന്‍റീനയെ ഒപ്പമെത്തിച്ചു. രണ്ടാം പകുതിയിൽ ലയണൽ മെസിയുടെ ഗോൾ വാർ നിഷേധിച്ചത് അർജന്‍റീനയ്ക്ക് തിരിച്ചടിയായി.
ലോകകപ്പ് യോഗ്യത റൗണ്ടിലെ അടുത്ത മത്സരത്തിൽ പെറുവാണ് അർജന്‍റീനയുടെ എതിരാളി. പരാഗ്വേയുടെ എതിരാളി ബൊളീവിയയാണ്.
