പനാജി:പൊതുസ്ഥലത്ത് അശ്ലീല വീഡിയോ ചിത്രീകരിച്ച സംഭവത്തില് നടി പൂനം പാണ്ഡെക്കെതിരെ കേസ്. ചാപ്പോളി ഡാമില് അശ്ലീല വീഡിയോ ചിത്രീകരിച്ചതിനെതിരെ ഗോവ ഫോര്വേഡ് പാര്ട്ടിയുടെ വനിതാ വിഭാഗമാണ് പൂനം പാണ്ഡെയെതിരെ പരാതി നല്കിയത്.
വീഡിയോ ചിത്രീകരിച്ച അജ്ഞാതനായ വ്യക്തിക്കെതിരെ കനകോണ പൊലീസ് മറ്റൊരു എഫ്.ഐ.ആര് ഫയല് ചെയ്തിട്ടുണ്ട്. പൊതുസ്ഥലത്ത് അശ്ലീല വിഡിയോ ചിത്രീകരിക്കുന്നതിന്റെ ഭാഗമായിപൂനം പാണ്ഡെ നൃത്തം ചെയ്യുകയും പാട്ട് പാടുകയും ചെയ്തെന്നാണ് പരാതി.
കൂടാതെ, ജലവിഭവ വകുപ്പ് അസിസ്റ്റന്റ് എഞ്ചിനീയര് സബ് ഡിവിഷന് -2 വര്ക്ക്സ് ഡിവിഷന് നല്കിയ പരാതിയുടെ അടിസ്ഥാനത്തില് മറ്റൊരു കേസും രജിസ്റ്റര് ചെയ്തിട്ടുണ്ടെന്ന് സൗത്ത് ഗോവ എസ്.പി പങ്കജ് കുമാര് സിങ് പറഞ്ഞു.