തൃശൂർ : മഹാകവി അക്കിത്തം അച്യുതന്‍ നമ്പൂതിരിപ്പാട് അന്തരിച്ചു. തൂശൂരിലെ സ്വകാര്യ ആശുപത്രിയിൽ വെച്ചായിരുന്നു അന്ത്യം. 94 വയസ്സായിരുന്നു. തൃശൂർ വെസ്റ്റ് ഫോർട് ഹൈടെക് ആശുപത്രിയിലെ തീവ്ര പരിചരണ വിഭാഗത്തിൽ ചികിൽസയിലായിരുന്നു.
കടുത്ത ന്യുമോണിയ ബാധയും സ്ഥിതി ഗുരുതരമാക്കി. ഇരുപതാം നൂറ്റാണ്ടിന്റെ ഇതിഹാസം പ്രശസ്ത കാവ്യമാണ്. 2019 ലെ ജ്ഞാനപീഠം അക്കിത്തത്തിന് ലഭിച്ചു. സെപ്റ്റംബർ 24 നാണ് മഹാകവിക്ക് സമ്മാനിച്ചത്.
1926 ൽ പാലക്കാട് കുമരനല്ലൂരിലാണ് അക്കിത്തത്തിന്റെ ജനനം. ഓടക്കുഴൽ, ആശാൻ, വള്ളത്തോൾ, ജ്ഞാനപ്പാന പുരസ്കാരങ്ങൾ ലഭിച്ചിട്ടുണ്ട്. സാഹിത്യ അക്കാദമി വൈസ് പ്രസിഡന്റ് ആയിരുന്നിട്ടുണ്ട്. എട്ടു പതിറ്റാണ്ട് നീണ്ട കാവ്യജീവിതമാണ് അവസാനിക്കുന്നത്
