കോട്ടയം: മകന്റെ ചവിട്ടേറ്റ് വാരിയെല്ലുകൾ ഒടിഞ്ഞ് കോട്ടയം സ്വദേശി മരിച്ചു.കറുകച്ചാൽ ശാന്തിപുരം റൈട്ടൻകുന്ന് ചക്കുങ്കൽ ജോൺ ജോസഫ് ( കൊച്ചുട്ടി -65 ) ആണ് മരിച്ചത്.
സംഭവവുമായി ബന്ധപ്പെട്ട് മകൻ ജോസി ജോണിനെ ( 37 ) കറുകച്ചാൽ പോലീസ് അറസ്റ്റ് ചെയ്തു. കോടതി ഇയ്യാളെ റിമാൻഡ് ചെയ്തു .
ഞായറാഴ്ചയാണ് ജോൺ മകൻ്റെ ക്രൂര മർദ്ദനത്തിന് ഇരയായത്.
റബർ ടാപ്പിങ് തൊഴിലാളിയായിരുന്നു ജോൺ . ഇരുവൃക്കകളും തകരാറിലായതോടെ 3 വർഷമായി ഡയാലിസിസ് ചെയ്താണ് കഴിഞ്ഞിരുന്നത് . മദ്യപിച്ചെത്തിയ ജോസി അച്ഛനെയും തടയാനെത്തിയ അമ്മ അന്നമ്മയെയും മർദിച്ചെന്നാണ് കേസ് .ചെത്തിപ്പുഴയിലെ സ്വകാര്യ ആശുപത്രിയിൽ ചികിത്സയിലിരിക്കെ ഇന്നലെ പുലർച്ചെയാണ് മരണം .
മർദ്ദനത്തിൽ ജോണിൻ്റെ 6 വാരിയെല്ലുകളാണ് ഒടിഞ്ഞത്. അന്തരിക അവയവങ്ങൾക്കും ക്ഷതമേറ്റു. ശസ്ത്രകിയ നടത്തിയെങ്കിലും ജീവൻ രക്ഷിക്കാനായില്ല.
ഗുജറാത്തിൽ വാഹനങ്ങളുടെ ടയർ പഞ്ചർ ഒട്ടിക്കുന്ന ജോലി ചെയ്തിതിരുന്ന ജോസി നാല് മാസം മുമ്പ് തിരിച്ചെത്തിയിരുന്നു. ഇയാൾ സ്ഥിരമായി മാതാപിതാക്കളെ മർദ്ദിച്ചിരുന്നുവെന്നാണ് പ്രദേശവാസികൾ പറയുന്നത്.
