വാഷിംഗ്ടണ്‍ : ലോകത്തെ കോവിഡ് ബാധിതരുടെ എണ്ണം 2.51 കോടി കടന്നു. ജോണ്സ് ഹോപ്കിൻസ് സർവകലാശാലയുടെ ഔദ്യോഗിക കണക്കുകൾ പ്രകാരം നിലവിലെ കോവിഡ് ബാധിതരുടെ എണ്ണം 2,51,53,391 ആയെന്നാണ് കണക്കുകൾ. ഇതുവരെ 8,45,925 പേരാണ് രോഗം ബാധിച്ച് മരിച്ചത്.
1,74,91,304 പേർ ഇതുവരെ രോഗമുക്തി നേടിയിട്ടുണ്ട്. കോവിഡ് ബാധിതരുടെ എണ്ണത്തിൽ മുൻപന്തിയിൽ നിൽക്കുന്ന പത്ത് രാജ്യങ്ങളിലെ കണക്കുകൾ ഇനി പറയുംവിധമാണ്. ബ്രായ്ക്കറ്റിൽ മരിച്ചവരുടെ എണ്ണവും.
അമേരിക്ക- 6,136,785 (186,825), ബ്രസീൽ- 3,846,965 (120,498 ), ഇന്ത്യ- 3,539,712 (63,657 ), റഷ്യ- 985,346 (17,025 ) പെറു- 639,435 (28,607) ദക്ഷിണാഫ്രിക്ക- 622,551 (13,981 ) കൊളംബിയ- 599,914 (19,064 ) മെക്സിക്കോ- 585,738 (63,146), സ്പെയിൻ- 455,621 (29,011), ചിലി- 408,009 (11,181 ).
ഇതിനു പുറമേ, അഞ്ച് രാജ്യങ്ങളിൽ കോവിഡ് രോഗികളുടെ എണ്ണം മൂന്ന് ലക്ഷം പിന്നിട്ടിട്ടുണ്ട്. അർജൻറീന, ഇറാൻ, ബ്രിട്ടൻ, സൗദി അറേബ്യ, ബംഗ്ലാദേശ് എന്നിവയാണ് അത്.
ഏഴ് രാജ്യങ്ങളിൽ രണ്ടു ലക്ഷത്തിനു മുകളിലും എട്ട് രാജ്യങ്ങളിൽ ഒരു ലക്ഷത്തിനു മുകളിലും കോവിഡ് രോഗികളുണ്ട്.
