തിരുവനന്തപുരം: സെക്രട്ടറിയേറ്റിലെ പൊതുഭരണ പൊളിറ്റിക്കല് വിഭാഗത്തിലുണ്ടായ തീപിടുത്തത്തിൽ അവിടെയുണ്ടായിരുന്ന ചില ഫയലുകള് ഭാഗീകമായി കത്തിയെന്നാണ് പ്രാഥമികമായി മനസ്സിലാക്കുന്നതെന്ന് മുഖ്യമന്ത്രി. സംഭവത്തെക്കുറിച്ച് എ.ഡി.ജി.പി മനോജ് ഏബ്രഹാമിന്റെ നേതൃത്വത്തില് പൊലീസ് അന്വേഷണം ആരംഭിച്ചിട്ടുണ്ട്.
തീ പിടുത്തത്തിന് കാരണം ഉള്പ്പെടെയുള്ള സാങ്കേതിക വശം പരിശോധിക്കാന് ഡിസാസ്റ്റര് മാനേജ്മെന്റ് കമ്മീഷണര് എ. കൗശികന്റെ നേതൃത്വത്തില് ഒരു ഉന്നതതല സമിതിയെ കൂടി നിയോഗിച്ചിട്ടുണ്ട്. കെ.എസ്.ഡി.എം.എ. മെമ്പര് സെക്രട്ടറി, ഫയര് ആന്റ് റെസ്ക്യൂ ടെക്നിക്കല് ഡയറക്ടര്, പി.ഡബ്ല്യൂ.ഡി ചീഫ് എഞ്ചിനീയര്, വൈദ്യുതിവകുപ്പിലെ ചീഫ് ഇലക്ട്രിക്കല് ഇന്സ്പെക്ടര് എന്നവര് അടങ്ങുന്നതാണ് ഈ കമ്മിറ്റി.
തീപ്പിടിത്തത്തിന്റെ കാരണം, നഷ്ടം ഏതെല്ലാം ഫയലുകള് നഷ്ടപ്പെട്ടു, ഭാവിയില് ഇത്തരം സംഭവങ്ങള് ആവര്ത്തിക്കാതിരിക്കാനുള്ള നടപടികള് എന്നിവയാണ് ഈ സമിതി പരിശോധിക്കേണ്ടത്. ഒരാഴ്ചക്കകം റിപ്പോര്ട്ട് നല്കാനും സമിതിയോട് നിര്ദ്ദേശിച്ചിട്ടുണ്ട്. തീപിടുത്തം ചെറുതാണെങ്കിലും സെക്രട്ടറിയേറ്റിലെ സുരക്ഷാസംവിധാനങ്ങള് പരിശോധിച്ച് ശക്തിപ്പെടുത്താനും തീരുമാനിച്ചിട്ടുണ്ട്.
തീപിടുത്തത്തിൽ ഒരാഴ്ചക്കകം റിപ്പോര്ട്ട് നല്കാന് ഡിസാസ്റ്റര് മാനേജ്മെന്റിന് നിര്ദ്ദേശം നൽകിയെന്ന് മുഖ്യമന്ത്രി മുഖ്യമന
By
August 27, 2020 8:04 pm