കൊച്ചി: സ്വര്‍ണ വില വീണ്ടും കുറഞ്ഞു. ഗ്രാമിന് 40 രൂപയുടെയും പവന് 320 രൂപയുടെയും കുറവാണ് ഇന്ന് രേഖപ്പെടുത്തിയത്.
ഇതോടെ പവന്‍റെ വില 38,240 രൂപയും ഗ്രാമിന്‍റെ വില 4,780 രൂപയുമായി. ഒരിടവേളയ്ക്കുശേഷം തുടര്‍ച്ചയായ രണ്ടാം ദിവസമാണ് സ്വര്‍ണ വില കുറയുന്നത്.
ഓഗസ്റ്റ് ഏഴിന് പവന് ചരിത്രത്തിലെ ഏറ്റവും ഉയർന്ന വിലയായ 42,000 രൂപയിൽ എത്തിയിരുന്നു. പിന്നീട് അന്താരാഷ്ട്ര വിപണിയിൽ വിലയിടിവുണ്ടായത് ആഭ്യന്തര വിപണിയിലും പ്രതിഫലിക്കുകയായിരുന്നു.
