ജനീവ:12 വയസിന് മുകളിലുളള കുട്ടികൾ നിര്ബന്ധമായും മാസ്ക് ധരിക്കണമെന്ന് ലോകാരോഗ്യ സംഘടന. ഒരു മീറ്റര് സാമൂഹിക അകലവും പാലിക്കണം. കൊവിഡ് പകരാൻ മുതിര്ന്നവരിലുള്ള അതേ സാധ്യതയാണ് ഈ പ്രായക്കാരിലുള്ളതെന്നും ലോകാരോഗ്യ സംഘടന മുന്നറിയിപ്പ് നൽകി.
രോഗവ്യാപനമുണ്ടായ സ്ഥലങ്ങളിലും ഒരു മീറ്റർ അകലം പാലിക്കാൻ കഴിയാത്ത സ്ഥലങ്ങളിലും 12 വയസും അതിന് മുകളിലും പ്രായമുള്ള കുട്ടികൾ നിർബന്ധമായും മസ്ക് ധരിക്കണം. എന്നാൽ ആറിനും പതിനൊന്നിനും ഇടയിൽ പ്രായമുള്ളവര്ക്ക് സാഹചര്യങ്ങൾക്കനുസരിച്ച് മാസ്ക് ധരിച്ചാൽ മതിയാകും എന്നാണ് ഡബ്ല്യുഎച്ച്ഒയുടെ നിര്ദ്ദേശം.
ഈ പ്രായത്തിലുള്ള കുട്ടികൾ മാസ്ക് ഉപയോഗിക്കുമ്പോൾ മുതിര്ന്നവരുടെ നിയന്ത്രണവും മേൽനോട്ടവും ഉണ്ടാവണം.
അഞ്ച് വയസിൽ താഴെയുള്ളവര്ക്ക് മാസ്ക് നിര്ബന്ധമില്ല. കുട്ടികളുടെ സുരക്ഷയ്ക്കും താത്പര്യത്തിനുമാകണം പരിഗണന നൽകേണ്ടതെന്ന് ഡബ്ല്യുഎച്ച്ഒ നിര്ദ്ദേശിക്കുന്നു. ഡബ്ല്യുഎച്ച്ഒയും യൂനീസെഫും സംയുക്തമായി വെബ്സൈറ്റിലൂടെയാണ് ആദ്യമായി കുട്ടികൾക്കുള്ള കൊവിഡ് മാര്ഗനിര്ദ്ദേശം പുറത്തിറക്കിയത്.