തിരുവനന്തപുരം: ഗൺമാന് കോവിഡ് 19 സ്ഥിരീകരിച്ചതോടെ മന്ത്രി കെ.ടി. ജലീൽ വീണ്ടും ക്വാറന്റീനിൽ. 14 ദിവസമായി മന്ത്രിയും ഗൺമാനും ഡ്രൈവറും ക്വാറന്റീനിലായിരുന്നു.
ഇതേതുടർന്ന് ഇന്ന് മൂന്ന് പേരും കോവിഡ് പരിശോധന നടത്തിയിരുന്നു. ഈ പരിശോധനയിലാണ് ഗൺമാന് കോവിസ് സ്ഥിരീകരിച്ചത്. മന്ത്രിയുടെയും ഡ്രൈവറുടെയും ഫലം നെഗറ്റീവാണ്. മന്ത്രിക്കൊപ്പം കരിപ്പൂർ വിമാനത്താവള ദുരന്ത സ്ഥലം സന്ദർശിച്ച ഗൺമാനാണ് കോവിഡ് സ്ഥിരീകരിച്ചത്.
കരിപ്പൂര്‍ വിമാനദുരന്തത്തില്‍ രക്ഷാപ്രവര്‍ത്തനത്തിന് നേതൃത്വം നൽകിയ മലപ്പുറം ജില്ലാ കളക്ടര്‍, സബ് കളക്ടര്‍, എസ്‍പി തുടങ്ങിയവർക്ക് നേരത്തെ കോവിഡ് സ്ഥിരീകരിച്ചിരുന്നു. ഇതിന് പിന്നാലെ മുഖ്യമന്ത്രിയും ജലീൽ ഉൾപ്പെടെ ഏഴ് മന്ത്രിമാരും സ്വയം നിരീക്ഷണത്തിൽ പോയിരുന്നു.
