ഡൽഹി: കോവിഡ് മഹാമാരിക്കെതിരെ പോരാടുന്ന ആരോഗ്യ പ്രവർത്തകർക്ക് ആദരമർപ്പിച്ച് പ്രധാനമന്ത്രി നരേന്ദ്ര മോദി. 74 -ാം സ്വാതന്ത്ര്യ ദിനത്തിൽ രാജ്യത്തെ അഭിസംബോധന ചെയ്ത് സംസാരിക്കുമ്പോഴാണ് അദ്ദേഹം ആരോഗ്യ പ്രവർത്തകരെ അഭിനന്ദിച്ചത്. ആരോഗ്യപ്രവർത്തകർ രാജ്യത്തിന് നൽകുന്നത് മഹനീയ സേവനമാണെന്ന് പ്രധാനമന്ത്രി പറഞ്ഞു.
നിശ്ചയദാർഢ്യം കൊണ്ട് കോവിഡിനെ മറികടക്കാമെന്നും ഈ മഹാമാരിക്കെതിരായ പോരാട്ടം വിജയിക്കുക തന്നെ ചെയ്യുമെന്നും അദ്ദേഹം പ്രത്യാശ പ്രകടിപ്പിച്ചു. വെട്ടിപ്പിടിക്കൽ നയത്തെ ഇന്ത്യ എന്നും എതിർത്തിട്ടുണ്ടെന്നു പറഞ്ഞ അദ്ദേഹം അതിർത്തി കടന്നുള്ള ആക്രമണത്തെയും വിമർശിച്ചു.
ആത്മനിർഭർ ഭാരത് എന്നത് 130 കോടി ജനങ്ങളുടെ മന്ത്രമാണെന്നും പ്രധാനമന്ത്രി കൂട്ടിച്ചേർത്തു.
#WATCH Delhi: Prime Minister Narendra Modi pays tributes at Raj Ghat on #IndependenceDay today. pic.twitter.com/920wFlmRxx
— ANI (@ANI) August 15, 2020