ഡല്‍ഹി: തലച്ചോറിലെ ശസ്ത്രക്രിയക്കു ശേഷം മുൻ രാഷ്ട്രപതി പ്രണബ് മുഖർജിയുടെയുടെ നില ഗുരുതരം. കോവിഡ് ബാധിതനായ അദ്ദേഹത്തെ വെന്‍റിലേറ്ററിലേക്ക് മാറ്റി.
തലച്ചോറില്‍ രക്തം കട്ടപിടിച്ചതിനെ തുടർന്നാണ് ഡല്‍ഹിയിലെ ആര്‍മി റിസര്‍ച്ച് ആന്‍ഡ് റഫറല്‍ ആശുപത്രിയില്‍ അദ്ദേഹത്തെ ശസ്ത്രക്രിയക്കു വിധേയനാക്കിയത്. ശസ്ത്രക്രിയക്കു ശേഷം അദ്ദേഹത്തിന്‍റെ നില ഗുരുതരമായി. വെന്‍റിലേറ്ററിന്‍റെ സഹായത്തോടെയാണ് ജീവൻ നിലനിർത്തുന്നതെന്നും ആശുപത്രി അധികൃതർ മെഡിക്കൽ ബുള്ളറ്റിനിൽ പറഞ്ഞു.
തനിക്ക് കോവിഡ് സ്ഥിരീകരിച്ചതായി തിങ്കളാഴ്ച അദ്ദേഹം ട്വീറ്റ് ചെയ്തിരുന്നു. കഴിഞ്ഞയാഴ്ച താനുമായി ഇടപഴകിയവര്‍ സ്വയം സമ്പര്‍ക്കവിലക്കില്‍ പോകണമെന്നും കോവിഡ് പരിശോധന നടത്തണമെന്നും അദ്ദേഹം ആവശ്യപ്പെടുകയും ചെയ്തിരുന്നു
