ന്യൂഡല്‍ഹി: രാജ്യതലസ്ഥാനത്ത് കോവിഡ് ബാധിച്ച്‌ ചികിത്സയില്‍ കഴിഞ്ഞിരുന്ന 14കാരിക്ക് നേരെ ലൈംഗികാതിക്രമം. കോവിഡ് ബാധിച്ച്‌ ചികിത്സയില്‍ കഴിയുന്ന മറ്റൊരു രോഗിയാണ് കുട്ടിയെ വാഷ്റൂമില്‍വെച്ച്‌ പീഡിപ്പിച്ചതെന്ന് പൊലീസ് പറഞ്ഞു. തെക്കന്‍ ഡല്‍ഹിയിലെ ഛത്താര്‍പുരിലെ കോവിഡ് കെയര്‍ സെന്‍ററില്‍ ജൂലൈ 15നാണ് സംഭവം.
വാഷ്റൂമിലെത്തിയ പെണ്‍ക്കുട്ടിയെ 19കാരന്‍ പീഡിപ്പിക്കുകയായിരുന്നു. ദൃശ്യങ്ങള്‍ മൊബൈല്‍ ഫോണില്‍ പകര്‍ത്തിയതായും കുട്ടി പറഞ്ഞു. സംഭവത്തില്‍ ഇയാളുടെ കൂട്ടാളിയെയും പൊലീസ് കസ്റ്റഡിയിലെടുത്തു. ഇരുവരെയും ജുഡീഷ്യല്‍ കസ്റ്റഡിയില്‍വിട്ടതായി പൊലീസ് പറഞ്ഞു.
ചെറിയ രോഗലക്ഷണങ്ങളുള്ളവരെ ചികിത്സിക്കുന്നതിനായി 10,000 കിടക്ക സൗകര്യമുള്ള കോവിഡ് കെയര്‍ സെന്‍ററാണ് ഇവിടം.
